web orri berria:
http://etxegorri.info

hemen daukazue jardunaldietako egitaraua!!

BADATOZ JARDUNALDIAK!!!LAISTER EGITARAUA!!

GENEROA ETA PARTE HARTZEA HIRIGINTZAN

Abenduak 15, 16 – Donostiako Arkitekturako Eskolan

Antolatzailea: Etxegorri

Laguntzaileak: Hiria Kolektiboa, Antxeta Irratia

Lehenik eta behin, jardunaldiez hitz egiten hasi baino lehen ezinbestekoa zaigu Etxegorri zer den azaltzea. Arkitektura eskolatik sortutako taldea da hauxe, 2003/2004 ikasturtean eskolako ikasle batzuen kezkei erantzuteko asmoarekin. Urtez urte belaunaldi ezberdinetako ikasleok gai ezberdinak jorratzen joan gara, besteak beste arkitektura egungo jendarte ereduan nola eta zertarako erabiltzen den sakontzen. Laburbilduz, hauek dira Etxegorrik garatu dituen hiru oinarri edo helburu nagusiak:

· Arkitektura eraldaketa sozialerako tresna gisa ulertzen dugu.

· Tresna gisa ulertzen dugun heinean, daukagun ahalmena herritarron esku jartzearen bila gabiltza.

· Aldaketa hau emateko bidean eta ikuspuntu kritiko batetik abiatuta, pertsonen formakuntzarako motorra izan nahi du etxegorrik. Horretarako, taldean barneratutako formakuntza eta Etxegorriren printzipioak, bizitza unibertsitarioan zein etorkizuneko lanbidean aktiboki erabiltzea da gure helburua.

Egunerokotasunean alor ugaritan eragiten dugu. Gure lan ildo nagusiak arkitektura eskola, herri mugimendua eta auto-formakuntza direlarik.

Oraingoan, generoaren gaia dakargu mahai gainera. Generoa eta parte hartzea hirigintza planetan geroz eta gehiago entzuten ditugun hitzak dira. Eragile feministek urteak daramatzate hirigintza egiteko modu konbentzionalak zalantzan jartzen eta bide alternatiboak irekitzen.

Azken hamarkadetako hirigintza planak sujeto definitua izan dute: gizona, 25-40 urte tartekoa eta kotxeduna; honela, gizartearen gehiengoa hirigintza planetatik eta beraz, hiritik kanpo gelditu da.

Azken urteetan asko dira honen aurka altxatu diren ahotsak, batez ere emakumeenak, parte hartzeaz eta genero ikuspegia kontuan hartuaz, hiri eredu desberdina aldarrikatzen dutenak.

Etxegorriren helburua jardunaldi hauekin, emakume hauen ahotsak eta esperientziak, arkitekturako eskolara ekartzea da. Gu ere, biharko arkitekto eta hirgileak izango garelako eta denontzako hiria izango dena egin nahi dugulako.

ARGAZKI LEHIAKETA

ABENDUAK15 eta 16an burutuko diren  ETXEGORRIREN IV.JARDUNALDIEN arira argazki lehiaketa antolatu berri dugu, jardunaldietan jorratuko den gaia HIRIGINTZA eta GENEROA izanik, gai  honen inguruan izango da aegazki lehiaketa ere. 

Partaideek hiri eta herrietan aurkitzen ditugun puntu beltzak nola gureganatzen ditugun adierazi beharko dute argazki bidez. Emakumeen espazio debekatua publikoa dela ohartuta, herri eta hirietako  zenbait puntu beltz, beldurra sortzen dutenak eta erosoak ez direnak, gureganatzea da ideia. Argazkiak puntu beltz horiei buelta eman beharko die eta argi, kolore eta bizitzaz bete.

Argazkiak A4 tamainan bidali beharko dira abenduak 9a baino lehen, partaidearen izen abizen eta telefono kontaktuarekin batera etxegorri@gmail.com helbide elektronikora. Partaide guztien lanak ikusgai egongo dira jardunaldietan zehar eta lehiaketako irabazlearen izena blogean argitaratuko da Abenduaren 16an. Lehiakide bakoitzak nahi adina argazki aurkezteko aukera izango du.Lehiaketako lan sarituak 4 pertsonentzako afari bat eskuratuko du sari moduan.

ETXEGORRIREN 2010EKO AURKEZPENA